رد: أبيات راقت لي
 

‏الرزق مكتوب والأقدار مكتوبة
‏لا تشغل البال بالدنيا ومافيها

‏احرص على طاعة المعبود والتوبة
‏وباقي أمورك ترى ربك يسويها .

رد: أبيات راقت لي
 

أسرق لك البسمه من جيوب الأيام
‏ولا تحزن الله يجعل أحزانك بعيده .

رد: أبيات راقت لي
 

ألا يالله ياللي تحت هيبة سلطنتك أسلمت
لك المسلم يسبح لك بحمدك وإلك الإسلامي
احمدك، وأشكرك، وأثني عليك بما علي انعمت
وزدني في وفا بر العشير ووصل الأرحامي
ولهت الفجر ياليل الذهول اللي علي أظلمت
بعرضك واقع الذكرى عليه عرض الأفلامي

رد: أبيات راقت لي
 

‏كم واحدٍ وده يضرك ويحسدك
‏لاشاف ميزانك بالافعال راجح

‏ولا يهمك دام فعلك يمجدك
‏أرفع مقامك فوق مادمت ناجح .

رد: أبيات راقت لي
 

‏قلوب البشر ماني على ودها مكلوف
‏رضاها علي ماهو بمدخلني الجنّه

‏عسى الله يبيض وجه من يذكر المعروف
‏يماري براع الطيب لامن حكو عنّه

‏بوقتٍ اشوف الناس تخرج عن المألوف
‏تكب الصحيح وتترك الفرض والسنّه

‏نعاف المكان اللي حشم هرجة الملقوف
‏ونعاف الجميل اللي يجي من ورا منّه .

رد: أبيات راقت لي
 

‏على رفيقك خفف ملاحظاتك
‏مافيه من بين البشر كامل خصال

‏كن للخوي مثل الشجر في ثباتك
‏إن مالقى عندك ثمر حصل ظلال .

رد: أبيات راقت لي
 

‏يارب هذا زمن فتنه و وقت انقسام
‏ما ادوّر الا الثبات وما اطلب الا اليقين

‏أدعي مثل ما دعاء يوسف عليه السلام*
‏"توفني مسلماً و الحقني بالصالحين" .

رد: أبيات راقت لي
 

‏يا كم تمرّ ظروف .. وتعدّي ظروف
‏ما نزعل من أقدارنا لا ابتلينا

‏تعدّي الأحلام .. وعيوننا تشوف*
‏وبما كتب ربّي علينا رضينا*

‏نطيب مانرجي من الطيب معروف
‏ونتجاهل أخطاء الخلايق علينا

‏واذا تجاهلنا ترى ماهو بـ خوف
‏اللي منعنا .. " تربية والدينا " .

رد: أبيات راقت لي
 

‏ساكت لاني مقتنع في سكوتي
‏لان الحكي ما يوم رد الذي راح

‏واللي كتب رزقي وحظي وموتي
‏قادر يعوضني عن الحزن بافراح .

رد: أبيات راقت لي
 

‏يالله وانا أدعيك تكتب لنا الخير*
‏وأعوذ بك من شر النفوس وجهلها

‏يا كافلٍ رزق البشر مشبع الطير
‏اغفر لـ نفسٍ قصرت في .. عملها .