أبيات راقت لي

‏ننسى جمايلنا الجميلة مع الناس
‏ونموت ما ننسى الجمايل علينا .

‏مابين الصعب ، وبين الخوف ، والتجريب
‏أحاول ما أميل بيوم ولا تتشرد أفكاري

‏أمرّ بمرحلة صح ، أو خطا ، أو صدق ، أو تكذيب
‏كأني تايه في شيء ولاني عارف أقداري

‏أنا يارب ما أدري وش اللي ينكتب بـ الغيب!
‏ولكن رحمتك أكبر من اللي فيه أنا داري .

‏انت عمرٍ لا سألوني وش تمنى قلت اعيده
‏وأنت فرحه يوم جت لي ماتت أحزاني بعَدها

‏انت لو لـ الناس دنيا صرت لي دنيا جديده
‏ما حييت إلا عليها ولا أندفنت إلا فـ لحَدها

‏انت خيرٍ جابه الله خصّني به من عبيده
‏وانت نعمة قلبي اللي كل ما ينبض حمَدها

‏أسوأ شعور يعيشه الواحد: شعور الانتقام
‏و أطيب شعور يعيشه الواحد: ليا منه عفا

‏و أقسى شعور يمر بالواحد ليا احتاج اهتمام
‏واجمل شعور يمر بالواحد ، شعور الاكتفاء

‏أنا يارب لو كانت حظوظي في حياتي قلْ
‏عزاي إنك لطيف وكل شيء موكلك أمره

‏يالله بسيلٍ من الساحل ليا الساحل
‏يمطر برحمتك لا جارف ولا هادم

‏تغسل به ذنوبنا في عامنا الراحل
‏وتجعل لنا فيه خير بـ عامنا القادم .

يا سارق أشعاري أنا مسامحك ومْعذور
عاذرك لأنـك تبي الجزلة وعندك وعي '

ودامك حرامي شعر خلك حرامي شعور
لا تسرق أبياتي / وتترك همومي معي

الجنوبيه معجب بهذا

‏يالله تغنيني بفضلك عن الناس
‏وعن حاجة اللي لابغيته خذلني .

‏ماعاد لي خاطر ولا عاد لي نفس
‏ولا قمت ادوّر وصل من لا يجيني .

‏من كسب خوة رجالٍ يسدون اللزوم
‏يفتخر فيهم على الدوم سراً وجهرا .