أبيات راقت لي

عسى الله يؤتي كلُّ مَرءٍ سؤالهُ
‏وتلقى أكفٌّ ضارعاتٍ جوابها ..

"متَى كانتِ الدُّنيا أمَانًا لأهلِها
حَنانيكَ يا ربَّاهُ أنتَ أمانُنا"

راعي الردى وشلون تعرف مواريه
‏كل ما لقى كفو من الناس عابه

ساكت وانا صدري من البوح مزحوم
‏حتى السكوت يقول تكفى تكلّم

‏مثل الغريق اللي غرق مايعرف العوم
‏« حتى عدوّه .. يوم شافه تألم » .


روعه😊

شموخ معجب بهذا

على هامش الذكرى وقفت أناظر اللي فات
‏« لقيت أجمل أيام العمر أصبحت ماضي ».

العلاقه ميّته و الحبايب عايشين
‏و الشعور اللي يجمع مشاعرنا بهت

‏لو تعدّيتك يرجعني لـ دربك حنين
‏و لو تناسيتك ترى ذكرياتك ما سهت

‏أصعب أنواع العلاقه نكون معلقين
‏لا رجعنا مثل أوَّل . . ولا حتى أنتهت

يالـلـه بـرزقٍ يـهـد الـديـن ويـقصـه
‏والباقي يسد حـاجـاتي ويغـنـيـنـي

‏وان جاني اللي يبي فزعة وبـه غصة
‏اعطيه من فضل ربي يـوم يعطيني .

حاول تخلي جلستك عند العرب ركعة وتر
‏خفيفةٍ تقضي لزومك اذا صليتها

‏وحاول تخلي كلمتك عند العرب ليلة قدر
‏كلٍ يدورها ولا يدري متى توقيتها

‏وحاول تخلي كلمتك وقت العتب رشة عطر
‏يفطن لها المخطي ولا تندم اذا رشيتها .

شموخ ,نواف معجبون بهذا

يارب انا عبدك ضعيفٍ بلياك
‏وعفوك تراه اكبر طموحي وامالي

‏الفضل فضلك والعطايا عطاياك
‏مكاسب الدنيا ماهي راس مالي .

يارب عن زلة الأقدار تعتقني
بالعفو و العافيه و الستر و الجنة "